შეჯიბრებაში მონაწილეობა სხვადასხვა რეგიონების წარმომადგენლებმა მიიღეს, მათ შორის იყვნენ სვანეთის, ბაკურიანის, გუდაურისა და თბილისის სპორტსკოლების ათლეტები.
დღეს დავრწმუნდით, რომ სპორტულ სულისკვეთებას წინ ვერანაირი დაბრკოლება ვერ აღუდგება. სამწუხაროდ უამინდობის გამო შეჯიბრის ფინალური ნაწილი ვერ შედგა, თუმცა საშეჯიბრო ტრასის სირთულისა და რთული კლიმატური პირობების მიუხედავად იყვნენ მონაწილეებიც რომლებიც ტურნირის ნახევარ-ფინალში მოხვდნენ და ჩვენი მხარდამჭერი კომპანიებისგან დასაჩუქრდნენ კიდევაც.
სათხილამურო კროსის გამარჯვებულებს შორის იყვნენ ლუკა დულათი, ალეკო ჯაფარიძე, ლევან ნაზღაიძე, ბესო ჩართოლანი, ლაშა კურტანიძე, ბექა ბერძენიშვილი, ჩირო გავვა და ზუკა ბაქრაძე. სნოუბორდ კროსის შეჯიბრში კი ნახევარ-ფინალში მოხვდნენ ჯაბა სხვედიანი, ბაქარ მუშკუდიანი, ვაკო ზაქაიძე, მიკოლაი ბეკასიაკი და ნარნუკი.
მსგავსი ღონისძიებების ჩატარება განსაკუთრებულ როლს თამაშობს როგორც სპორტსმენების, ასევე საქართველოს ზამთრის კურორტების განვითარებაში.
