2012 წლიდან საერთაშორისო სათხილამურო ფედერაციის ინიციატივით მსოფლიოში თოვლის საერთაშორისო დღე აღინიშნება. საქართველოს სათხილამურო ფედერაციაც ამავე წლიდან ამ დღეს საქართველოს ყველა სამთო კურორტზე აღნიშნავს.
ტრადიციად ქცეული ეს ზამთრის გამორჩეული დღე ჩვენი ქვეყნის ყველა კურორტზე დიდი სიხარულით და ხალისით აღინიშნება.
წელს, ჩვენი ნაკრების სპორტსმენებმა, ისე როგორც მსოფლიოს სხვა თოვლიან ქვეყნებში, მოყვარულ მოთხილამურეებთან ერთად გაატარეს თოვლის საერთაშორისო დღე და მათ გამოცდილება გაუზიარეს, თუ რამდენად მნიშვნელოვანია ცხოვრების ჯანსაღი წესი, მთის და თოვლის სიყვარული.
