საქართველოს სამთო-სათხილამურო ნაკრების წევრი ლუკა ბუჩუკური მილანი-კორტინას ოლიმპიადაზე იასპარეზებს. მან დააგროვა შესაბამისი ქულები სლალომსა და გიგანტურ სლალომში, სწორედ ამ ორ სახეობაში მიიღებს მონაწილეობას ლუკა. 14 და 16 თებერვალს ვაჟთა შორის ქალაქ ბორმიოში გაიმართება გიგანტური სლალომი და სლალომი.

საქართველოს სათხილამურო ფედერაციისა და სპორტის სამინისტროს ხელშეწყობით ლუკამ წარმატებით გაიარა მოსამზადებელი პერიოდი.

ლუკა ბუჩუკური: -,,წლის განმავლობაში ფიზიკურად ვემზადებოდი ძალიან კარგად, გუნდთან ერთად მქონდა შეკრება გუდაურში და ორჯერ ავსტრიაში, რაც ძალიან დამეხმარა. შეჯიბრებებზე ვიყავი დუბაიში სადაც საუკეთესო მეოთხე ადგილი დავიკავე, ასევე თურქეთში მქონდა ექვსი შეჯიბრი, სადაც მეშვიდე ადგილზე გავედი, რის შედეგადაც მოვაგროვე საერთაშორისო ქულები და ამირჩიეს ზამთრის ოლიმპიური თამაშებისთვის.“

წარმატებებს ვუსურვებთ ლუკას!