დღეს,26 თებერვალს,ბაკურიანში სკი კროსის მსოფლიო თასის ეტაპმა სტარტი აიღო.ხვალ 27 თებერვალს ფინალი გაიმართება;
28 თებერვალს კი განსაკუტრებული დღეა, რადგან FIS-ის მსოფლიო ჩემპიონატის კალენდარზე შერეული ნაკრების შეჯიბრება სკი კროსში პირველად იმართება და ამ ღონისძიებას სწორედ საქართველო მასპინძლობს.
საერთაშორისო სათხილამურო ფედერაციის კროსის შეჯიბრის დირექტორების მიზანია ჩართონ შერეული ნაკრების შეჯიბრის სახეობა მსოფლიო ჩემპიონატებისა და ზამთრის ოლიმპიური თამაშების პროგრამაში. შესაბამისად ყველა განსაკუთრებით ელოდება ამ შეჯიბრის შედეგებს.
ბაკურიანში საერთაშორისო სათხილამურო ფედერაციის მიერ დაგეგმილი ფრისტაილის, სნოუბორდისა და ფრისკის მსოფლიო ჩემპიონატები 2023 წელს გაიმართება. მსოფლიო ჩემპიონატებამდე კურორტზე არაერთი მძიმე და მნიშვნელოვანი სამუშაოა დაგეგმილი, მათგან უამრავი უკვე ჩატარდა. 2021 წელს დაგეგმილი ეტაპებისთვის კი ყველა სამუშაო დასრულებულია.
მსგავსი ღონისძიებები ძალიან მნიშვნელოვანია როგორც ქართული სპორტის განვითარებისთვის,ასევე მთლიანად საქართველოსთვის.
