5 მარტს საქართველომ კიდევ ერთ საერთაშორისო ღონისძიებას უმასპინძლა!

ამჯერად, ბაკურიანში სლოუფსტაილის მსოფლიო თასის ეტაპები ჩატარდა ფრისკიში, რომელიც მსოფლიოს მრავალ ქვეყანაში ევროსპორტის არხებით პირდაპირ ეთერში გაშუქდა.

უამინდობის გამო ღონისძიების პირველი, საკვალიფიკაციო ეტაპი გაუქმდა, თუმცა სპორტსმენებმა ვარჯიში შეძლეს და ფინალურ ეტაპებში მიიღეს მონაწილეობა.

ღონისძიებაზე 90მდე მსოფლიო დონის ათლეტი იყო დარეგისტრირებული, თუმცა მსოფლიოში მიმდინარე მოვლენების გამო, მათი რიცხვი შემცირდა. ჩამოსულ სპორტსმენებს შორის იყო 23 წლის შვეიცარელი მსოფლიო ჩემპიონი, ანდრი რაგეტლი.

ისტორიაში პირველად ბაკურიანში გამართულ მსოფლიო თასის ეტაპში ქართველმა ფრისკიერებმა, ნიკა ელოშვილმა და ლუკა ჩოფიკაშვილმა იასპარეზეს და მე-8 და მე-9 ადგილები დაიკავეს.

ქალებში ადგილები ასე გადანაწილდა :

I – ოლდჰემ მეგანი (კანადა)

II – სარა ჰოფლინი (შვეიცარია)

III – ალია დელია ეიშინგერი (გერმანია)

მამაკაცებში კი :

I – რაგეტლი ანდრი (შვეიცარია)

II – უილი კოლინი (შვეიცარია)

III – უილი ტიერი (შვეიცარია)

 

შეჯიბრის ფოტოები იხილე აქ